Qoç - peşəkar fəaliyyət müstəvisində uğurlara nail ola bilərsiniz. Proqramlaşdırma, informasiya sistemləri, marketinq, dəqiq avadanlıqla bağlı işlərdə daha ciddi nailiyyətlər olacaq. Fərqli istiqamətdə yeni layihəyə başlamaq olar.
Buğa - kiçik problemlər və fikir ayrılıqları mənfi emosiyalar yarada bilər. Pis təsir, avadanlığın sıradan çıxması sizi qeyri-adekvat davranışa vadar etməməlidir. İnsan amilini də nəzərə alın. Yaxın ətrafınızdakı insanların əməllərini təhlil edin.
Əkizlər - yaradıcılıq fəaliyyəti ilə məşğul olanları uğur gözləyir. Tərəfdaş və müttəfiqlərinizin qatıldığı tədbirdə iştirak edin. Onlardan dəstək alacaq, yeni ideyaları paylaşmaq şansı əldə edəcəksiniz.
Xərçəng - peşəkar fəaliyyət üçün əlverişli zamandır. Dəyişikliklərlə bağlı tərəddüd etməyin. Əsas gəlir mənbəyinin yenilənməsinə və ya fərqli istiqamətin seçilməsinə ehtiyac var.
Şir - yenilik, müxtəlif emosiyalar və təəssüratlar axtarışı maraqlı ideyalar vəd edir. Çalışdığınız məkanda təəşbbüskar olun, rəqiblərinizi üstələyin. Mövqeyinizin absolyut həqiqət olduğunu israr etsəniz, problemlərlə qarşılaşacaqsınız. Daşınmaz əmlakla bağlı riskli əməliyyatlar aparmayın.
Qız - yaşamın rutin, yeknəsək ritmi sizdə dəyişikliklər istəyi yarada bilər. Daxili impulsa aldanaraq düşünülməmiş addım atmayın. Mümkün problemləri nəzərdən qaçırmayın. Yaxın gələcəkdə baş verə biləcək hadisələrə hazırlaşın.
Tərəzi - dostlardan biri sizə "macəra" hazırlayıb. Ekstremal situasiyadan asanlıqla çıxış yolu tapmaq mümkün deyil. Astagəl, süst olmayın. Ətalətlə davranmayın. Risk etmək olar.
Əqrəb - kommersiya, fəaliyyət sahəsində yeniliklər üçün yaxşı zamandır. Qabiliyyətləriniz, bilik və bacarıqlarınızı daha effektiv şəkildə nümayiş etdirin. Məhkəmədə problemlərinizi, hüquqi məsələləri həll etmək olar. Yaşam bir yerdə durmur. Emosional irəliləyiş də gərəkdir.
Oxatan - situasiya sizdən diqqətlə işləməyi və məqsədə doğru aramla hərəkti tələb edir. Çılğınlıq etməyin, düşünülməmiş qərarlar verməyin. Ehtiyatlı olun. Vəziyyət sizi pərdələnmiş tələyə sala bilər.
Oğlaq - qəti qərar qəbul etməzdən əvvəl yanlış yolda olmadığınıza əmin olun. Ani hisslərə əsaslanan addımlar zamanı deyil. Uzunmüddətli layihəni, aldığınız sifarişi, biznesi təhlükəyə atmayın. Arqumentləriniz səbatlı, addımlarınız məntiqli olmalıdır.
Dolça - yaxşı tanımadığınız insanlarla ünsiyyətdə ehtiyatlı olun. Sərt sözlər qarşı tərəfdə inciklik yaratmaqla yanaşı, qarşısıalınmaz fəsadlara səbəb ola bilər. Aqressiv və tərs opponentlə üzləşəndə təmkinli olun. Onun prinsipləri sizin mövqelərinizdən köklü şəkildə fərqlənirsə, soyuqqanlı davranın.
Balıqlar - innovasiyalar, yeni texnologiyalarla bağlı işlər uğur vəd edir. Problemlərin özbaşına, sakit şəkildə həllini tapacağını düşünməyin. Yeni avadanlığın öyrənilməsi və ya proqram təminatının araşdırılmasına vaxt sərf edin.
Milli.Az
