ABŞ Ukrayna və digər müttəfiqlərinə Rusiyanın eksperimental silahlardan istifadə edə biləcəyi barədə xəbərdarlıq edib. Noyabrın 21-də Rusiya hərbçiləri ilk dəfə nüvəsiz "Oreşnik" hipersəsli orta mənzilli ballistik raketdən istifadə edib.
Valyuta.az xəbər verir ki, bunu "Bloomberg" adı açıqlanmayan amerikalı rəsmiyə istinadən yazıb.
"Bloomberg" başqa hansı müttəfiqlərə məlumat verildiyini dəqiqləşdirməyib. "FoxNews" amerikalı rəsmiyə istinadən yazır ki, ABŞ Ukraynanı Rusiyanın zərbəsi ilə bağlı xəbərdar edib.
Rusiya prezidentinin mətbuat katibi Dmitri Peskov bildirib ki, Rusiya Nüvə Riskinin Azaldılması üzrə Milli Mərkəzin vasitəsi ilə “Oreşnik”in buraxılışından yarım saat əvvəl ABŞ-a xəbərdarlıq edib. O, avtomatik işləyir və ABŞ-ın oxşar sistemi ilə daimi əlaqə saxlayır.
Noyabrın 21-də Vladimir Putin xüsusi bəyanatında bildirib ki, Rusiya hərbçiləri Rusiyanın ən yeni orta mənzilli raket sistemlərindən biri olan “Oreşnik”in döyüş sınağını keçirib. Zərbə Dnepropetrovskda Ukraynanın "Yujmaş" müdafiə müəssisəsinə endirilib. Rusiya rəsmiləri əvvəllər raketin hazırlanması və ya sınaqdan keçirilməsi barədə məlumat verməyiblər. Onun sınaqları Qərbin hərəkətlərinə cavab idi, prezident Ukraynanın Amerika və Britaniyanın uzaqmənzilli raketləri ilə Rusiyaya hücumları da daxil olmaqla izah edib.
Samir
