Çin daha 9 ölkəni birtərəfli vizadan azad etmə proqramına daxil edəcəyini açıqlayıb.   Manset.az bu barədə xarici mediaya istinadən xəbər verir. Çin Xarici İşlər Nazirliyinin sözçüsü Lin Jian bildirib ki, Bolqarıstan , Rumıniya , Malta, Xorvatiya, Monteneqro, Şimali Makedoniya, Estoniya, Latviya və Yaponiyadan olan adi pasport sahibləri 30 noyabr 2024-cü il və 31 dekabr 2025-ci il tarixləri arasında Çinə vizasız gedə bilərlər. Lin qeyd edib ki, vizasız qalma müddəti də 15 gündən 30 günə qədər uzadılacaq.