İstanbul şəhərində azərbaycanlı olduğu deyilən şəxsdə 70 kiloqram qızıl aşkarlanıb.
Senzor.az bildirir ki, bu barədə Türkiyə mediası məlumat yayıb.
Qeyd olunub ki, azərbaycanlı M.G.Ş. adlı şübhəli şəxs Sarıyer səmtində ticarət mərkəzlərinin birinin qarşısında taksidə olarkən Qaçaqmalçılıqla Mübarizə Şöbəsinin əməkdaşları tərəfindən saxlanılıb. Taksidə 70 kq qızıl aşkarlanıb.
Şübhəli şəxs hüquq-mühafizə orqanlarının əməkdaşlarına qızılların özünə aid olduğunu və diplomat kimi çalışdığını deyib.
Məlumata görə, saxlanılan azərbaycanlı Qərb ölkələrindəki diplomatik departamentlərdən birinin əməkdaşıdır.
Həmin şəxsin hazırda qoruma altında olduğu, faktla bağlı araşdırmanın başlanıldığı bildirilir.
