Aparıcı Zümrüd Bədəlova ilə müğənni Pərvin Lətifov arasında gərginlik olub.
Pravda.az olay-a istinadən xəbər verir ki, Pərvin "Gün ortası" verilişində qonaq olarkən əsəbiləşib.
O, Bədəlovaya sözünü kəsdiyi üçün etiraz edib:
"Biz həqiqəti deməliyik. Zümrüd, xahiş edirəm. Niyə mənim sözümü kəsirsən? Danışmağa qoymursan. Mən sənin xətrini çox istəyirəm. Bilirsən ki, mənə nə qədər doğmasan. Bu, başqa məsələdir. Söhbət sizdən getmir. Sadəcə sən dostumsan. Ona görə sənə deyirəm ki, bəzi aparıcılar mənə elə mərhələdə sual verirlər, bilmədən qarşılarındakı insanı təhqir edirlər. Çünki sualın özünü düzgün qoymaq savad tələb edir. Mənə sual verən insan incəsənəti ən az mənim qədər bilməlidir".
Bədəlova isə "Danışırıq-danışırıq heç nə düzəlmir. Bu gündən danışmaq lazımdır. Faktlar göz qabağındadır" , - deyə, bildirib.
