"Yəhudi Baş Naziri Benyamin Netanyahu "yenə insan hüquqlarını pozur"- deyə, Minnesota Demokratı İlhan Ömər bildirib.
Turkustan.az xəbər verir ki, ABŞ Konqresinin Nümayəndələr Palatasının üzvlərindən ibarət bir dairə prezident Co Baydeni Qəzza zolağında davam edən münaqişə fonunda İsrailə hərbi yardımı dayandırmağa çağırıb.
"İsrailin Baş naziri Benyamin Netanyahu dəfələrlə insan hüquqlarını pozub - xəstəxanaları bombalayır, fələstinliləri diri-diri yandırır, ərzaq yardımının çatdırılmasına mane olur və yardım işçilərini öldürür. Bu şeytani soyqırım sona çatmalı və ABŞ prezidenti Co Bayden bunu təşviq etməyi dayandırmalıdır, bu, İsrailə hərbi yardımı kəsməklə başlayacaq”, - deyə qanunverici İlhan Ömər "X" sosial şəbəkəsində bildirib.
Onun Missuri ştatından olan demokrat həmkarı Cori Buş da İsrailə hərbi yardımın ayrılmasının məqsədəuyğunluğundan şübhələnib. "ABŞFələstin xalqını məhv etmək üçün İsrail ordusunu maliyyələşdirir və silahlandırır. Bu, hədsizdir" - deyə, o yazıb.
Qanunverici Alexandria Ocasio-Cortez də öz növbəsində Ağ Evi Amerikanın yəhudi dövlətinə silah tədarükünə embarqo qoymağa çağırıb. "Qəzzanın şimalında baş verən dəhşətlər, Bayden administrasiyası tərəfindən tam silahlandırılmış, ərzaq yardımının çatdırılmasının əngəlləndiyi və xəstəxana xəstələrinin bombalandığı tamamilə cilovsuz Netanyahu hökumətinin nəticəsidir. Bu, fələstinlilərin soyqırımıdır. ABŞ bunu təşviq etməyi dayandırmalıdır. Dərhal silah tədarükünə embarqo qoyulsun” - deyə, X sosial şəbəkəsində bildirib.
Aytən Yaşar/ Turkustan.az
