Elşad Musayev: "Üç uşaqdan yuxarı ailələr çoxuşaqlı kateqoriyaya daxil edilsin" - TƏKLİF
"Mən onun tərəfdarıyam ki, 3 uşaqdan yuxarı ailələr çoxuşaqlı kateqoriyaya daxil edilsin. Belə olarsa, 3 uşaqdan yuxarı olan ailələr sosial yardım ala bilərlər. Bununla bağlı təkliflər var. Həmin təkliflər hazırda müzakirə olunur".
Bu sözləri Böyük Azərbaycan Partiyasının sədri, Milli Məclisin deputatı Elşad Musayev deyib.
"21 müavinət növü var, onun 13-ü uşaqlarla bağlıdır. Əslində, elə onlar uşaq puludur. Məsələn, əlillik, valideynini itirən, valideyni əsgərlikdə olanlar və s. Biz istəyirik ki, bu kateqoriyadan olan müavinətlər də artırılsın".
Deputat müharibə veteranların təqaüdlərinin 200-300-500 manata qaldırılması ilə bağlı təkliflərin verildiyini xatırladıb:
"Hazırda onlar 80 manat təqaüd alırlar. Biz istəyirik ki, bu təqaüd artırılsın, 200-300-500 manat olsun".
Deputat 2025-ci ilin dövlət büdcəsində ünvanlı sosial yardımlar, pensiya və müavinətlər, minimum əməkhaqqının da artırılmasının nəzərdə tutulduğunu qeyd edib.
BAP Mətbuat Xidməti
