Amerikalı investor Skott Bessent prezident Donald Trampın yeni administrasiyasında ABŞ-ın maliyyə naziri postunu tuta bilər.
Herbiand.az xəbər verir ki, seçilmiş prezident Bessentin bu vəzifəyə namizədliyini Truth sosial şəbəkəsindəki səhifəsində elan edib.
"Forbes" nəşrinin yazdığına görə, 62 yaşlı Bessent mühüm siyasi vəzifələrdə təcrübəsi yoxdur - o, hazırda Key Square Management investisiya fonduna rəhbərlik edir. 2011-ci ildən 2015-ci ilə qədər o, maqnat Corc Soros tərəfindən əsası qoyulmuş ilk investisiya idarəçiliyi fondlarından biri olan Soros Fund Management-də baş investisiya direktoru vəzifəsində çalışıb. Soros Fund Management, digər məsələlərlə yanaşı, bütün dünyada vətəndaş cəmiyyəti qruplarına maliyyə dəstəyi verən Soros şirkətləri qrupunun Açıq Cəmiyyət Vəqflərinin bir sıra layihələrinə vəsait ayırmışdır.
