Kollektiv Təhlükəsizlik Müqaviləsi Təşkilatının (KTMT) liderləri Kollektiv Təhlükəsizlik Şurasının Astanada keçiriləcək sessiyasında Qərbin Rusiya ərazisinə uzaqmənzilli silahlardan zərbələr endirmək icazəsi ilə bağlı vəziyyəti müzakirə edəcək.
Publika.az xəbər verir ki, bu barədə "TASS"-dakı mənbə məlumat verib.
“Yaxın vaxtlarda KTMT çərçivəsində ən yüksək səviyyədə Kollektiv Təhlükəsizlik Şurasının sessiyası olacaq və burada təbii ki, bu məsələ müzakirə ediləcək. Və Rusiya Prezidenti Vladimir Putinin Qazaxıstana səfəri çərçivəsində biz müttəfiq kimi Ukrayna ərazisindəki böhranın bütün aspektlərini müzakirə edəcəyik ”, - agentliyin həmsöhbəti bildirib.
O xatırladıb ki, Rusiya və Qazaxıstan müttəfiqdir. Ölkələr arasında təcavüz halında tərəfdaşlara dəstək göstərilməsi ilə bağlı razılaşma var. Ona görə də bu mövzu gündəmdədir.
