"Liverpul"un baş məşqçisi Arne Slot İngiltərə futbolunda rekordlar vurmağa davam edir.
Fanat.Az xəbər verir ki, bazar günü "qırmızılar" səfərdə "Sauthempton"u məğlub edərək (3:2) Premyer Liqada onuncu qələbəsini qazanıb.
"Opta"-nın məlumatına görə, on qalibiyyət rəqəminə nail olmaq üçün Slota cəmi 12 matç lazım olub ki, bu da Premyer Liqa rekordunu təkrarıdır. Bundan əvvəl belə nəticəyə yalnız “Çelsi”də çalışmış Karlo Ançelotti və Qus Hiddink nail olub.
"Liverpul" 28 xalla İngiltərə çempionatının turnir cədvəlinə inamla başçılıq edir. Slotun komandası ikinci yerdə qərarlaşan "Mançester Siti"ni 5 xal qabaqlayır. Dekabrın 1-də mersisaydlılar doğma meydanda əsas təqibçisi ilə qarşılaşacaq.
Mirağa
