Əli Xamneyi Tehranda İnqilab Keşikçiləri Ordusuna bağlı milis qüvvələrinin (Bəsic) üzvləri qarşısında çıxış edib.Manset.az bu barədə İRNA-ya istinadən xəbər verir Çıxışı zamanı onun ifadələrindən biri sosial mediada geniş müzakirələrə səbəb olub: "Netanyahu üçün həbs qərarı verilib, bu kifayət deyil. Onun cəzası ölüm cəzasıdır. Məsul İsrail liderlərinə ölüm hökmü verilməlidir"- o bildirib. Qeyd edək ki, noyabrın 21-də Beynəlxaq Cinayətlər Məhkəməsi Netanyahu və keçmiş müdafiə naziri Yoav Qallantın həbsinə order verdiyini açıqlamışdı.
