Qızılgülün yaxın qohumu olan itburnu da tikanlıdır, lakin C vitamini və digər faydalı bioloji aktiv maddələrlə zəngindir. İtburnu bir çox vitaminlərlə, xüsusilə, C vitamini ilə zəngindir ki, bu da qan damarlarını gücləndirmək üçün faydalıdır və təbii antioksidant sayılır.
Yabanı qızılgül giləmeyvələrində çoxlu P vitamini, K, E, A və B2 vitaminləri, karotenoidlər, taninlər və pektinlər kifayət qədərdir. İtburnu üzvi turşuları və flavonoidləri ödqovucu təsirə malikdir. Bu, meyvənin ən qiymətli müalicəvi xüsusiyyətlərindən biridir. Flavonoid rutin və ya P vitamini askorbin turşusu ilə birlikdə kapilyar damarların keçiriciliyini və kövrəkliyini azaldır. Bununla yanaşı, askorbin turşusu toxumaların bərpasını yaxşılaşdırır, qanın laxtalanmasını normallaşdırır və orqanizmin infeksiyalara qarşı müdafiəsini artırır, zehni və fiziki qabiliyyətləri artırır, maddələr mübadiləsini yaxşılaşdırır.
Vitamin A dərinin və selikli qişaların epitelini qoruyur. Görmə qabiliyyəti, hüceyrə böyüməsi və immunitet sisteminin düzgün işləməsi üçün vacibdir. E vitamini hüceyrələrin qocalma prosesini ləngidir və onları oksidləşdirici stressdən qoruyur. Vitamin B2 qırmızı qan hüceyrələrinin, antikorların meydana gəlməsi üçün lazımdır və dərinin, dırnaqların və saçın sağlamlığı ondan asılıdır.
Z.HÜSEYNLİ
XQ
