Yeddilik Qrupu (G7) dövlətləri Rusiyaya qarşı əlavə məhdudlaşdırıcı tədbirlər tətbiq etmək imkanını nəzərdən keçirir. AFN.az xarici mediaya istinadən xəbər verir ki, bu barədə ABŞ-ın dövlət katibi Antoni Blinken G7 ölkələrinin xarici işlər nazirlərinin İtaliyada keçirilən görüşünün yekunları üzrə mətbuat konfransında bildirib.Blinkenin sözlərinə görə, G7 ölkələri Rusiyanın dondurulmuş suveren aktivlərindən gələcək gəlirlərdən istifadə etməklə Ukraynaya 50 milyard dollarlıq kredit köçürmək üçün hazırlıqları yekunlaşdırır. “Keçən həftə Birləşmiş Ştatlar Rusiyanın maliyyə sektoruna, o cümlədən “Qazprombank”a qarşı bu günə qədər ən son sanksiyaları tətbiq etdi, məncə, G7 ölkələrindən də əlavə addımlar gözləyə bilərik” - deyə ABŞ dövlət katibi bildirib.
