Çinin Şandun əyalətində keçmiş “Bank of China” sədri Liu Liange edam cəzasına məhkum edilib.
Yeniavaz.com xəbər verir ki, bu barədə “Sinxua” məlumat yayıb.
Məhkəmə həmçinin Liunun bütün əmlakının müsadirə edilməsi və mülki hüquqlarından məhrum edilməsi barədə qərar çıxarıb.
İstintaqa görə, Liu 121 milyon yuandan çox rüşvət alıb və qanunsuz olaraq kreditlərin verilməsinə şərait yaradıb. O, 2023-cü ilin oktyabrından həbsdədir.
Hökmə əsasən, ölüm cəzası iki il müddətinə dayandırılıb. Əgər Liu bu müddət ərzində yeni cinayətlər törətməsə, o, ömürlük həbs cəzası ilə əvəzlənəcək.
