Pakistanın həbsdə olan keçmiş baş naziri İmran Xanın azadlığa buraxılmasını istəyən tərəfdarları paytaxt İslamabadı mühasirəyə alan yük konteynerlərinin halqasını sındırıblar və hökumətin cavab təhdidlərinə baxmayaraq, təhlükəsizlik qüvvələri ilə insident yaşayıblar.AFN.az "Associated Press"ə istinadən xəbər verir ki, qarşıdurma nəticəsində 6 nəfər həlak olub. Minlərlə təhlükəsizlik qüvvələri bazar günündən bəri paytaxt və onun ətrafını əhatə edən Xan tərəfdarlarının etirazlarını yatırtmaq üçün İslamabadın mərkəzinə enib.Pakistan ordusu İslamabadın mərkəzində Qırmızı Zonada əsas hökumət binalarının yerləşdiyi və ölkədə səfərdə olan Belarus prezidenti Aleksandr Lukaşenkonun qaldığı D Çovk meydanına nəzarəti ələ keçirib.Polis havaya bəzi xəbərdarlıq atəşləri açıb. Lakin etirazlara rəhbərlik edən Xanın arvadı Büşra Bibi, tərəfdarların əhatəsində ciddi mühafizə olunan konvoyun müşayiəti ilə yavaş-yavaş meydana doğru irəliləyib. Daxili işlər naziri Mohsin Naqvi, nümayişçilərin onlara atəş açacağı təqdirdə təhlükəsizlik qüvvələrinin canlı atəşlə cavab verəcəkləri ilə hədələyib.
