Seul Milli Universitetinin alimləri qrunt sularının intensiv istifadəsinin Yer kürəsinin fırlanma oxuna təsir etdiyini müəyyən ediblər.
QHT.az xəbər verir ki, araşdırmaya görə, 1993–2010-cu illər arasında 2150 giqaton yeraltı su vurulması nəticəsində Yerin fırlanma oxu 80 sm dəyişib. Geofizik Ki-Veon Seo bildirib ki, iqlim dəyişikliyi ilə bağlı faktorlar arasında yeraltı suların yenidən paylanması qütblərin fırlanmasına ən böyük təsir edən amildir.
Bundan əlavə, yeraltı suların istifadəsi planetin əyilməsinə təsir etməklə yanaşı, dəniz səviyyəsinin qalxmasına və iqlim dəyişikliyinə də səbəb olur. Alimlər bu tapıntının iqlim dəyişikliyi ilə mübarizədə yeni imkanlar yaratdığını vurğulayırlar.
R.İmanov
