Gürcüstanın hakim “Gürcü Arzusu-Demokratik Gürcüstan” partiyası prezidentliyə namizədinin adını açıqlayıb. Partiyanın siyasi şurasının noyabrın 27-də keçirilən iclasında Mixail Kavelaşvilinin Gürcüstan prezidentliyinə namizədliyi irəli sürülüb. Bu barədə “Gürcü Arzusu”nun fəxri sədri Bidzina İvanişvili partiyanın ofisində keçirilən brifinqdə məlumat verib.
Qeyd edək ki, əvvəllər idman sahəsində məşhur olan M.Kavelaşvili keçmiş SSRİ-nin və dünyanın nüfuzlu futbol klublarında çıxış edib. Hazırda Gürcüstan parlamentinin üzvüdür.
Mətləb Salahov
