Kolumbiya 225 ton ağırlığında dünyanın ən böyük kokaini partiyasını ələ keçirib...
Onlarla başqa ölkələrlə əməkdaşlıq edən Kolumbiyanın hüquq-mühafizə orqanlarının əməkdaşları altı həftə ərzində 225 ton kokain müsadirə ediblər ki, bu da narkotiklərlə mübarizə üzrə dünya rekordu olub.
Poliqon xəbər verir ki, bu barədə The Guardian nəşrinin məlumatında bildirilir.
Altı həftəlik “Orion” əməliyyatı zamanı Kolumbiyanın hüquq-mühafizə orqanları və onların 62 ölkədən olan həmkarları kokain daşıyan 6 dəniz gəmisini dayandırıb və ümumilikdə 1400 ton narkotik, o cümlədən 1000 tondan çox marixuana və 225 tonu kokain müsadirə edib. Qanunsuz yüklərin bir hissəsi Avstraliyaya yeni narkotik ticarəti marşrutu ilə gedən sualtı qayıqda tapılıb.
Narkotiklərlə mübarizə tədbirləri zamanı qanunsuz silah daşınması dayandırılıb, miqrant alverçiləri saxlanılıb. Ümumilikdə 400-dən çox adam həbs edilib.
Məqalədə qeyd edilir ki, əməliyyat Latın Amerikası kartellərinə ciddi zərbə olub. BMT-nin hesablamalarına görə, hər il dünyada 2700 ton kokain istehsal olunur. Kolumbiya hakimiyyəti tərəfindən bu narkotikin müsadirə həcminə görə əvvəlki rekord 2022-ci ildə qeydə alınıb. Həmin vaxt 671 ton kokain müsadirə edə biliblər.
Noyabrın 6-da bildirildi ki, İspaniya hüquq-mühafizə orqanları 13 ton ağırlığında kokain göndərişini ələ keçiriblər. Bu, indiyə qədər İspaniyada müsadirə edilmiş rekord göstəricidir və Avropada ikinci ən böyük yükdür. Narkotiklər Ekvadordan gətirilən banan qabında gizlədilib.
Poliqon.info
