1 oktyabr 2024-cü il tarixi vəziyyətinə Azərbaycanın xarici dövlət borcu 5 milyard 299,1 milyon ABŞ dolları təşkil edib.
Yeniavaz.com xəbər verir ki, bu barədə Maliyyə Nazirliyi məlumat yayıb.
Bildirilib ki, 2024-cü ilin 1 oktyabr tarixinə xarici dövlət borcu ilin əvvəli ilə müqayisədə mütləq ifadədə 1.162,1 milyon ABŞ dolları və ya 18 faiz azalıb.
1 oktyabr 2024-cü il tarixinə Azərbaycanın daxili dövlət borcu isə 17 milyard 192,9 milyon manat təşkil edib.
Qeyd olunub ki, 2024-cü ilin əvvəli ilə müqayisədə daxili dövlət borcunun səviyyəsi mütləq ifadədə 1.326,5 milyon manat məbləğində artıb.