UEFA Avropa Liqasının əsas mərhələsində Bakıda “Qarabağ” və Fransanın “Lion” komandaları arasında keçirilən V tur oyunu başa çatıb.
Hafta.az xəbər verir ki, Tofiq Bəhramov adına Respublika Stadionunda oynanılan qarşılaşma rəqibin 4:1 hesablı qələbəsi ilə yekunlaşıb.
"Lion"un heyətində qolları Jorj Mikautadze (2 qol), Korentin Tolisso və Malik Fofana vurublar. "Qarabağ"ın yeganə qoluna isə penaltidən Olavio Juninyo imza atıb.
Qeyd edək ki, Avropa Liqasının əsas mərhələsində bir qələbəsi olan "Qarabağ" növbəti görüşünü dekabrın 12-də səfərdə "Elfsborq"a qarşı keçirəcək.
***
UEFA Avropa Liqasının əsas mərhələsində Bakıda “Qarabağ” və Fransanın “Lion” komandaları arasında keçirilən V tur oyununda birinci hissə başa çatıb.
Hafta.az xəbər verir ki, Tofiq Bəhramov adına Respublika Stadionunda oynanılan qarşılaşmanın ilk yarısı rəqibin 1:0 hesablı üstünlüyü ilə bitib.
Görüşü Serbiyadan olan referi Nenad Minakoviç idarə edir.
***
Bu gün “Qarabağ” Avropa Liqasının Liqa mərhələsində V tur oyununa çıxacaq.
Hafta.az xəbər verir ki, Tofiq Bəhramov adına Respublika Stadionunda oynanılan qarşılaşma saat 21:45-də start götürüb.
Görüşü Serbiyadan olan FIFA referisi Nenad Minakoviç idarə edir.
