Tiflisdə minlərlə insan yenidən parlament binası qarşısında hökumətin son qərarına etiraz əlaməti olaraq toplaşıb.
Azadmedia.az xəbər verir ki, bu barədə TASS məlumat yayıb.
Belə ki, Gürcüstan və Avropa İttifaqının bayraqları qaldıran nümayişçilər artıq parlament binasının yerləşdiyi Rustaveli prospektini bağlayıblar. Onlar hökumətin istefasını tələb edirlər.
Həmçinin polis qüvvələri qanunverici orqanın önündə növbə çəkir.
Qeyd edək ki, ötən gün Gürcüstan Baş naziri İrakli Kobaxidze ölkəsinin AB-yə üzvlük danışıqlarını 2028-ci ilə qədər dayandırdığını və qrantlardan imtina etdiyini bildirib. Bunun ardınca müxalifət Tiflisdə geniş aksiyalara başlayıb. Aksiyaya Prezident Zurabişvili də qatılıb və ölkədə konstitusion çevriliş baş verdiyini iddia edib.
