Ağdərədə ağır yol-nəqliyyat hadisəsi baş verib.
“Qafqazinfo”nun məlumatına görə, Kəlbəcərdən gələn “Mitsubishi” markalı avtomobilin qarşısına heyvan çıxıb.
Qəfil idarəetməni itirən sürücü avtomobili aşırıb.
Qəza nəticəsində ilkin məlumata görə, 4 nəfər ölüb, 1 nəfər xəsarət alıb.
Xəsarət alan şəxs xəstəxanaya yerləşdirilib, vəziyyəti orta-ağırdır.
Hadisə yerinə polis əməkdaşları cəlb olunub. Faktla bağlı araşdırma aparılır.
***
Qəzada xəsarət alan və ölən şəxslərin kimliyi məlum olub.
Hadisə nəticəsində Həsənov Mütalib Telman oğlu, Kərimov Asəf Raquf oğlu, Məmmədov Samir Mətləb oğlu, Alxanov Sərdar İmran oğlu həyatını itirib, Zülfüqarov İlkin Qurban oğlu isə xəsarət alıb.
