1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Suriya prezidenti Bəşər Əsəd BƏƏ prezidenti Şeyx Məhəmməd bin Zayed Əl Nəhyanla söhbətində ölkəsinin müttəfiqlərinin və dostlarının köməyi ilə terrorçuları məğlub etməyə qadir olduğunu bildirib.
Oxu.Az TASS-a istinadən xəbər verir ki, bu barədə Suriya liderinin ofisi məlumat yayıb.
"Prezident Əsəd telefon danışığı zamanı vurğulayıb ki, Suriya öz ərazi bütövlüyünü terrorçulardan və onların havadarlarından müdafiə edir, müttəfiqləri və dostlarının köməyi ilə onları məhv etməyə qadirdir", - ofisin məlumatında deyilir.
Qeyd edək ki, sosial mediada paytaxt Dəməşqdə çevrilişin baş tutduğu və Əsədin Moskvaya qaçdığı barədə iddialar yayılıb. Dövlət başçısının ofisindən verilən açıqlama ilə bu iddialar təkzib edilib.
Digər iddialara əsasən, Rusiya yaxın saatlar ərzində Suriya hökumətinə yardım üçün hərbi kontingent göndərəcəyini vəd edib.
