Estoniyanın paytaxtı Tallin şəhəri Şimali Atlantika Alyansının dəniz qrupunun altı gəmisini qəbul edib.
NOCOMMENT.az xəbər verir ki, bu barədə ERR televiziya və radio şirkəti məlumat yayıb.
ERR televiziya və radio şirkətinin verdiyi məlumata görə, noyabrın 29-u və 30-da NATO-nun ilk daimi dəniz qrupunun altı gəmisi, o cümlədən Britaniya, Fransa, Norveç, Hollandiya və Belçika gəmiləri Tallinə səfərə gəlib.
Estoniya Hərbi Dəniz Qüvvələrinin Baş Komandanı İvo Varkanın sözlərinə görə, bu qrup NATO dəniz qüvvələrinin “əsas zərbə qüvvəsidir”. O, bunu Estoniya sularında “NATO-nun regional müdafiə planları” ilə əlaqələndirdi.
Bundan əvvəl Polşa və NATO-nun Rusiya sərhədləri yaxınlığında TÜMAK-24 hərbi təlimlərinə başladığı məlum olub.
