İsrail ordusunun Qəzza zolağında həyata keçirdiyi hücumlar nəticəsində ölən jurnalistlərin sayı 191-ə yüksəlib.
NOCOMMENT.az apa-ya istinadən xəbər verir ki, hökumətin Qəzzadakı Media Ofisindən verilən yazılı açıqlamada 7 oktyabr 2023-cü ildən İsrail ordusunun hücumuna məruz qalan Qəzza zolağında öldürülən jurnalistlərlə bağlı məlumat verilib.
Açıqlamada son olaraq jurnalist Məmduh Quneytanın İsrailin hücumlarında həlak olduğu və bununla da həlak olan mətbuat mənsublarının sayının 191-ə yüksəldiyi bildirilib.
