PSJ rəhbərliyi bu yay “Real”a yollanan Kilian Mbappenin yerinə yeni lider axtarır.
Publika.az “El Nacional”a istinadən xəbər verir ki, Paris klubuna yaxın mənbələrin məlumatına görə, PSJ-nin prezidenti Nasser Əl-Xelaifi “Liverpul”un lideri Məhəmməd Salahın transferini təmin etməyə çalışacaq.
Paris klubu müqaviləsi 2025-ci il iyunun 30-na kimi qüvvədə olan misirliyə ildə təxminən 40 milyon avro ödəməyə hazırdır. Müxtəlif bonusların əlavə oluna biləcəyi bu məbləğ sayəsində Salahın Avropanın ən yüksək maaş alan futbolçusu olacağı gözlənilir.
Parisdə 32 yaşlı Salahın hələ də ən yüksək səviyyədə oynamaq ambisiyalarını ifadə edəcəyini gözləyirlər, buna görə də inanırlar ki, Səudiyyə Ərəbistanı və ya ABŞ-dan olan variantları nəzərdən keçirməyəcək.
