Hindistanda Fenqal siklonunun səbəb olduğu güclü yağışlar və daşqınlar nəticəsində elektrik cərəyanına düşən 3 nəfər həyatını itirib.
“İndia Today” xəbər verir ki, rəsmilər Tamil Nadu və Puduçeri vilayətlərinin müxtəlif bölgələrində son 30 ilin ən yüksək səviyyəsində olduğu bildirilən güclü yağışların həyatın normal axarına ciddi təsir etdiyini açıqlayıblar.
Siklonun yaratdığı güclü yağışlar və daşqınlar səbəbindən elektrik cərəyanına düşən 3 nəfərin öldüyünü bildirən rəsmilər çox sayda insanın təhlükəsiz bölgələrə təxliyə edildiyini qeyd ediblər.
Fenqal siklonu bölgədə nəqliyyat sistemini də mənfi təsirləyib.
