Gürcüstanda aksiyaçılar parlamentinin 48 otağına ziyan vurublar.
"Unikal" xəbər verir ki, bunu Gürcüstan parlamentinin spikeri Şalva Papuaşvili brifinqdə bildirib.
O qeyd edib ki, KİV-də dərc olunan məqalələrdən sonra belə bir təəssürat yarana bilər ki, nümayişçilər parlamentə daxil olmayıblar və yalnız boya ilə yazılar qoyublar, lakin dünən iş otaqlarına ziyan dəyib, Çiçinadze küçəsi və Rustaveli prospekti tərəfində demək olar ki, heç bir bütöv pəncərə qalmayıb.
“Müxtəlif ofis avadanlıqları zədələnib. Çiçinadze küçəsi tərəfdən parlamentin taxta qapısı yanmış, parlamentin mərkəzi binasının istilik və soyutma aqreqatları dağıdılmış, tədris mərkəzinin anbarları və kompüter laboratoriyası, pəncərələri olan parlamentin yeməkxanası zədələnmişdir”, - deyə spiker bildirib.
