İtaliya çempionatının 14-cü turunun “Fiorentina” – “İnter” matçı meydan sahiblərinin yarımmüdafiəçisi Edoardo Bovenin huşunu itirməsi səbəbindən təxirə salınıb.
"Unikal" xəbər verir ki, bu barədə “La Gazzetta dello Sport” məlumat yayıb.
Florensiyanın "Artemio Franko" stadionunda keçirilən matçın 18-ci dəqiqəsində futbolçu yıxılıb. Hər iki komandanın oyunçularının köməyi ilə Boveyə ilkin tibbi yardım göstərilib və xərəkdə təcili yardıma aparılıb.
22 yaşlı Bove "Roma"nın məzunudur. Bu il futbolçu "Fiorentina"ya keçib və artıq İtaliya çempionatının 12 oyununda iştirak etməyi bacarıb. Matçlarda o, bir qol vurub, iki məhsuldar ötürmə verib. Bove İtaliyanın gənclər yığmasında da 14 oyun keçirib.
