Qvineyada futbol matçından sonra azarkeşlər arasında baş verən qarşıdurma nəticəsində onlarla insan ölüb. AFN.az xəbər verir ki, bu barədə “Frans Press” agentliyi məlumat yayıb.Hadisə Nzerekore şəhərində keçirilən turnirin final matçı zamanı baş verib. Azarkeşlərin mübahisəli hesab etdiyi yerli komandanın qapısına penalti təyin edilib. Bundan sonra tamaşaçılar meydançaya qaçaraq daş atmağa başlayıblar ki, bu da qarşıdurmaya səbəb olub.İzdiham nəticəsində insan tələfatı olub. "Regional hakimiyyət əhali arasında sakitliyi bərpa etmək üçün əlindən gələni edir və bir daha qurbanlara ilk tibbi yardım göstərən xəstəxana xidmətlərinə mane olmamağa çağırır”, - deyə Qvineyanın baş naziri Amadu Ouri Ba X sosial şəbəkəsindəki səhifəsində yazıb.Bildirilir ki, toqquşmalardan sonra şəhərdəki morqlar və xəstəxanalar dolub. Qurbanların sayı yüzlərlə ola bilər. Azarkeşlər arasında toqquşmalar stadiondan kənarda şəhər küçələrində də davam edib.
