Amerikalı sahibkar və milyarder İlon Mask ABŞ prezidenti Co Baydenin oğlu Hunteri əfv etmək qərarını tənqid edib.
Publika.az xəbər verir ki, iş adamı bu barədə “X” sosial şəbəkəsində yazıb.
"Narkotik məsələsinə əhəmiyyət vermirəm, lakin ABŞ-ın bütövlüyünü şübhə altına almaq yaxşı deyil", - Mask yazıb.
Bundan əvvəl məlum olub ki, dekabrın 1-də Co Bayden oğlunun əfv edilməsi haqqında fərman imzalayıb və bildirib ki, bu qərar onun ittihamın ədalətsiz olduğuna dair hökmü ilə diktə edilib. ABŞ-ın yeni seçilmiş prezidenti Donald Tramp bu addımı sui-istifadə və ədalətin pozulması adlandırıb.
Öz növbəsində Nümayəndələr Palatasının üzvü Marjorie Taylor-Grin sosial şəbəkələrdə yazıb ki, Co Bayden oğlu Hunteri əfv etməklə əslində cinayətkar olduğunu etiraf edib. Onun sözlərinə görə, Hunter Bayden odlu silahlarla bağlı qanunları, eləcə də xarici agentlər haqqında qanunları pozub.
