Həftəsonu öz meydanında “Volfsburq”a 1:5 hesabı ilə uduzan “Leypsiq” baş məşqçisi Marko Rousu istefaya göndərməyə hazırlaşır.
Fanat.Az xəbər verir ki, Çempionlar Liqasında da uğursuz çıxış edərək beş turdan sonra xal qazana bilməyən və Liqa mərhələsinin turnir cədvəlində sonuncu pillədə qərarlaşan "buğalar"ın rəhbərliyi artıq yeni baş məşqçi axtarışına çıxıb.
"TodoFichajes"-ın məlumatına görə, "Leypsiq" Rousu qovub yerinə Xavini gətirməyi düşünür. "Barselona"dan ayrıldıqdan sonra işsiz olan gənc məşqçi "məzuniyyət"ini tez başa vura bilər.
"Leypsiq" hazırda Almaniya çempionatının turnir cədvəlində dördüncü yerdədir.
Mirağa
