“Real Madrid”in qapıçısı Tibo Kurtua Madrid klubunun fransalı hücumçusu Kilian Mbappe haqqında danışıb.
“Qafqazinfo” xarici mətbuata istinadən xəbər verir ki, 32 yaşlı qolkiper 26 yaşlı forvardı ketçup butulkası ilə müqayisə edib:
“Kilian Mbappe böyük keyfiyyətlərə malik oyunçudur. O, içərisində sousu olan ketçup butulkasına bənzəyir. Bəzən nə qədər etsən də, tökülmür. Amma birdən ortaya çıxır. Düşünürəm ki, Kilianın oyunlarında da eyni şey olacaq”.
Qeyd edək ki, Kilian Mbappe ötən yay azad agent kimi Madrid klubuna keçib. O, bu mövsüm komandanın heyətində 19 oyuna çıxıb, 10 qol vurub və 2 məhsuldar ötürmə edib.
