Rusiya prezidenti Vladimir Putin bildirib ki, azərbaycanlı və qazaxıstanlı həmkarları İlham Əliyev və Qasım-Jomart Tokayevlə görüşlərində Xəzər dənizində ekoloji fəlakətin qarşısının alınması yolları müzakirə olunub, çünki bu, hamını narahat edir.
EDnews ria.novostiyə istinadən xəbər verir ki, Rusiyanın dövlət başçısı fikirlərini belə davam etdirib:
“Azərbaycanda keçirilən görüşlərdə İlham Heydəroviç (Əliyev – red.) bu barədə danışıb, indi Qazaxıstanda Qasım-Jomart Kemeleviç (Tokayev – red.) də məsələ qaldırır. Xəzərin dayazlaşması hər kəsi narahat edir. Və əlbəttə ki, bundan açıq-aydın və nəzərəçarpacaq dərəcədə əziyyət çəkən heyvan növlərinə diqqət yetirməliyik. Amma ümumilikdə bu, böyük problemdir”, – deyə Putin bildirib.
