Cənubi Koreyanın Jeju adasına gələn təxminən 90 nəfərlik vyetnamlı qrupdan 38-i planlaşdırılan tarixdə ölkələrinə qayıtmayıb və yoxa çıxıb.
AZXEBER.COM xarici mətbuata istinadən xəbər verir ki, səlahiyyətli şəxslər itkin düşən turistləri axtarır.
Jeju Turizm Təşkilatından verilən açıqlamaya görə, təxminən 90 nəfərlik Vyetnamlı turist qrupu noyabrın 14-də Vyetnamın Nha Trang şəhərindən VietJet Hava Yollarına məxsus təyyarə ilə Jejuya gəlib.
Qrupdakı 38 turist noyabrın 17-də geri qayıdış reysinə az qalmış yoxa çıxsa da, digər turistlər planlaşdırıldığı kimi ölkələrinə qayıdıblar.
Səlahiyyətli şəxslər, 30 günlük vizasız səyahət icazəsi olan vyetnamlıların dekabrın 14-nə qədər adada qala biləcəyini bildirsə də, itkin düşən turistlərin tapılması üçün işlərə başlanıldığını açıqlayıb.
Oksana
