ABŞ-ın yeni seçilmiş prezidenti Donald Tramp administrasiyasının təxminən 50 ildən sonra Aya astronavt göndərməyi hədəfləyən “Artemis” proqramını ləğv edə bilər.
Publika.az xəbər verir ki, Trampın seçkilərdəki qələbəsindən bəri NASA-nın nəhəng Ay raketi “Space Launch System”in (SLS) təhlükə altında ola biləcəyi ilə bağlı fərziyyələr mövcuddur.
Raket ABŞ kosmik agentliyinin 1972-ci ildən bəri ilk dəfə insanları Aya qaytarmağı hədəfləyən “Artemis” proqramı üçün lazım olan bir neçə əsas elementdən biridir.
Amerikalı kosmos jurnalisti Erik Berger “X” hesabında bu barədə paylaşım edib: “Hələ qərar verməmişik, amma eşitdiyimə görə, NASA-nın “Space Launch System” raketinin ləğv olunma ehtimalı ən azı 50% kimi görünür”.
