Bu gün Azərbaycan kubokunda 1/8 final mərhələsinin oyunlarına start verilib.
QOL.az xəbər verir ki, ilk günə nəzərdə tutulan 3 matçdan 1-i artıq başa çatıb.
İlk iki cütdə Premyer Liqa təmsilçiləri 1-ci Liqanın kollektivləri ilə üz-üzə gəlir.
“Səbail” “Qaradağ Lökbatan”ı qəbul edib. Paytaxt təmsilçisi 2:0 hesabı ilə qalib gələrək 1/4 finala adlayıb. Bu mərhələdə "dənizçilər"in rəqibi "Qəbələ" - "Qarabağ" cütünün qalibi olacaq.
"Araz-Naxçıvan” isə “Mingəçevir”i sınağa çəkir.
Günün son oyununda isə mərhələnin ən çox maraqla gözlənilən qarşılaşması - “Turan Tovuz” - “Sabah” matçı baş tutacaq. Cari mövsüm Misli Premyer Liqasında bu komandaların hər iki qarşıdurması heç-heçə yekunlaşıb - 2:2 və 1:1.
Qeyd edək ki, 1/8 finalın digər 5 görüşü sabah keçiriləcək.
Xatırladaq ki, 1/8 final mərhələsi 1 oyundan ibarətdir.
Azərbaycan Kuboku
1/8 final
3 dekabr
16:00. “Araz-Naxçıvan” - “Mingəçevir” - 2:0 (İkinci hissə)
Qol: Ülvi İsgəndərov, 5, Bernardo Dias, 21
Hakimlər: Əkbər Əhmədov, Müslüm Əliyev, Şirmamed Mamedov, Səbuhi Bayramov
“Liv Bona Dea Arena”
15:00. “Qaradağ Lökbatan” - “Səbail” - 0:2
Qol: Emin Rüstəmov, 53, Nihad Quliyev, 62
Hakimlər: Əli Əliyev, Eyyub İbrahimov, Tərlan Talıbzadə, Vüqar Həsənli
VAR: Tural Qurbanov
AVAR: Pərvin Talıbov
"ASCO Arena"
18:00. “Turan Tovuz” - “Sabah”
Hakimlər: İnqilab Məmmədov, Namik Hüseynov, Rahil Ramazanov, Nicat İsmayıllı
VAR: Rəşad Əhmədov
AVAR: Cəmil Quliyev
Tovuz şəhər stadionu
4 dekabr
16:00. “Qəbələ” - “Qarabağ”
16:00. “Kəpəz” - “İmişli”
18:00. “Neftçi” - “Difai”
19:00. “Zirə” - “Şamaxı”
19:00. “Sumqayıt” - MOİK
1/4 finalda qarşılaşacaqlar
“Araz-Naxçıvan” - “Mingəçevir” cütünün qalibi / “Zirə” - “Şamaxı” cütünün qalibi
“Səbail” / “Qəbələ” - “Qarabağ” cütünün qalibi
“Kəpəz” - “İmişli” cütünün qalibi / "Neftçi” - “Difai” cütünün qalibi
“Turan Tovuz” - “Sabah” cütünün qalibi / “Sumqayıt” - MOİK cütünün qalibi
