Vətən Müharibəsi Şəhidi Cavadov Mahmudun Anım Günü Qeyd Olundu

Bu münasibətlə şəhidin ailə üzvləri, Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin (AZQMƏVŞAİB) Cəbrayıl rayon filialının sədri Səbuhi Hüseynov, filialın üzvləri, Cəbrayıl rayon İcra Hakimiyyətinin nümayəndəsi Abbas Abbaslı və Cəbrayıl rayon Tarix-Diyarşünaslıq Muzeyinin direktoru Aytən Fətullayeva şəhidin məzarını ziyarət ediblər.

Ziyarət zamanı şəhidin ruhuna dualar oxunmuş, onun Vətənimizin azadlığı və torpaqlarımızın bütövlüyü uğrunda göstərdiyi qəhrəmanlıq bir daha minnətlə yad edilmişdir. Şəhidlərin xatirəsinin daim əziz tutulduğu vurğulanaraq, Mahmud Cavadov kimi igidlərin Vətənimizin və xalqımızın qüruru olduğu qeyd edildi.

Allah bütün şəhidlərimizə rəhmət etsin! Onların qəhrəmanlığı xalqımızın yaddaşında əbədi olaraq yaşayacaq.

🇦🇿 Şəhidlər ölməz, Vətən bölünməz!