ABŞ administrasiyası ukraynalı hərbçilərin təlimini intensivləşdirməyi planlaşdırır. Bu barədə NATO-nun Brüsseldəki mənzil-qərargahında enerji məsələləri üzrə 825 milyon dollarlıq anlaşma memorandumu imzalandıqdan sonra dövlət katibi Antoni Blinken Ukraynanın xarici işlər naziri Andrey Sibiqa ilə görüşdə bildirib.Dövlət Departamentinin mətbuat xidmətinin rəhbəri Metyu Millerin görüşdən sonra verdiyi məlumata görə, iki ölkənin xarici əlaqələr idarələrinin rəhbərləri danışıqlar aparıb və Vaşinqtonun Kiyevə verdiyi silahları müzakirə ediblər. Dövlət katibi ABŞ-ın Ukrayna qoşunlarının təlimini gücləndirməyə və Kiyevin hava hücumundan müdafiə sisteminin imkanlarını genişləndirməklə Rusiya hava hücumlarından müdafiə qabiliyyətini artırmağa hazır olduğunu təsdiqləyib. Tərəflər Ukraynanın tam Avro-Atlantik inteqrasiyaya, o cümlədən NATO üzvlüyünə "dönməz yolunu” müzakirə ediblər.Dövlət Departamenti rəhbərinin sözlərinə görə, memorandumun imzalanması Ukrayna enerji sisteminin obyektlərinin təmirinə və dəyişdirilməsinə, onun mühafizəsinin təmin edilməsinə, həmçinin Avropanın enerji sisteminə inteqrasiyasına imkan verəcək.
