Cənubi Koreya prezidenti Yun Sok-Yöl ölkədə bir neçə saat əvvəl tətbiq etdiyi hərbi vəziyyət rejiminin sona çatdığını elan edib.
APA xəbər verir ki, bu barədə “Yonhap” informasiya agentliyi məlumat yayıb.
Bundan öncə ölkə parlamenti hərbi vəziyyət tətbiqinə qarşı çıxıb.
“Reuters”in məlumatına görə, dekabrın 3-də axşam saatlarında mühasirəyə alınmış parlament binasına daxil ola bilən 300 deputatdan 190-ı onun ləğvinə səs verib.
Cənubi Koreya konstitusiyasına görə, deputatların əksəriyyəti səs verərsə, ölkə parlamenti fövqəladə vəziyyət rejimini ləğv etmək hüququna malikdir.
***
23:38
03.12.2024
Cənubi Koreya prezidenti Yun Sok-Yöl ölkədəki hərbi vəziyyəti ləğv edəcək.
APA xəbər verir ki, bu barədə “Yonhap” agentliyi məlumat yayıb.
Bildirilib ki, yaxın saatlarda hökumətin iclası keçiriləcək.
