“Xəyyam Əhmədlinin müalicəsinə kömək etməyənlər sırasında kim adımı çəkirsə, Allah hamıya cansağlığı versin. Bilənlər bilir. Ən birinci mən 10 ay bundan əvvəl Elgiz Əkbərin verilişində çağırış etdim. Beş-altı nəfərdən başqa səsimə səs verən olmadı. Sağ olsunlar, Oktay Kamil, Yaşar Qafanlı, Mehman Əhmədli, səsimə cavab verdi. “Elit star” Cəmilə də çox cəhd etdi, özü, dostları... Şükür olsun, əlimdən gələn köməkliyi də etmişəm...”
Bu sözləri Pravda.az-a açıqlamasında tanımış meyxana ustadı Ağamirzə Məmmədov deyib.
“Mənim barəmdə Xəyyam özü də danışmışdı. Nə deyirlər, qoy desinlər. Eybi yox. Görüntlər də var. Mən dedim, yerimdə qaldım. Axırda da belə oldu. Ölən gün ölümündən 3-4 saat əvvəl Xəyyamın yanında idim. Nə etmək olar, həyatdır. Allah qalanlara ömür versin”, - o bildirib.
Xatırlatma: Meyxanaçı Xəyyam Əhmədli uzun sürən xəstəlikdən sonra dekabrın 3-də dünyasını dəyişib.
Aytəkin Qardaşova
