Almaniyanın xarici işlər naziri Annalena Berbok bildirib ki, alman ordusu Ukraynada sülhün qorunmasında iştirak edə bilər.
Bu barədə Qaynarinfo "Berliner-Zeitung”a istinadən xəbər verir.
Onun sözlərinə görə, bu, Ukrayna ilə Rusiya arasında atəşkəs əldə olunarsa, mümkündür.
Qeyd olunur ki, bu məsələ NATO-nun Brüsseldə keçirilən toplantısı zamanı qaldırılıb. Berbok vurğulayıb ki, Almaniya uzunmüddətli sülhə töhfə verən bütün təşəbbüsləri, o cümlədən təhlükəsizlik zəmanətləri, beynəlxalq sülhməramlı missiyalar və ya Ukraynaya artan hərbi yardımı dəstəkləməyə hazırdır.
Onun sözlərinə görə, alman əsgərlərinin mövcudluğu yalnız həqiqi barışıq əldə olunarsa mümkün olacaq.
Nizami Bağırov
