“Saxo Bank” 2025-ci il üçün şokedici proqnozlar dərc edib.
Axar.az xəbər verir ki, bank saytında yaydığı hesabatda ABŞ-da Donald Trampın hakimiyyətə gəlməsi ilə əlaqədar dünyanın dollara alternativ axtarışını proqnozlaşdırıb.
“Trampın yeni administrasiyası qlobal maliyyə sistemini kütləvi rüsumlarla alt-üst etdikcə, dünya dollara alternativ tapmaq üçün mübarizə aparacaq. Ehtimal olunur ki, Tramp administrasiyası süni intellekt məlumat mərkəzlərinə vergi tətbiq edə bilər, çünki onlara görə elektrik enerjisinin qiymətləri sürətlə qalxır”, - hesabatda qeyd olunub.
Bundan başqa bank qeyd edib ki, “Nvidia” şirkəti Əpldan iki dəfə baha ola bilər.
Başqa bir şok ssenaridə bank OPEK-in elektrik avtomobillərindəki bumdan ciddi ziyan görəcəyini bildirib.
Bank qeyd edib ki, 2025-ci ilə qədər alimlər milyonlarla insanın ömrünü uzadacaq insan ürəyini 3D formatında çap edə biləcəklər.
“Saxo Bank” iqlim məsələlərinə də diqqət ayırıb. Qeyd olunub ki, iqlim dəyişikliyinin lazımi səviyyədə qiymətləndirilməməsi səbəbindən böyük sığorta şirkətləri 2025-ci ildə müflis olacaq.
