Bu gün kişi voleybolçular arasında Azərbaycan çempionatında (Yüksək Liqa) 2024/2025-ci illər mövsümünə start verilib.
Arena.az xəbər verir ki, ilk oyun günündə iki qarşılaşma baş tutub.
Hər iki qarşılaşma Bakıda keçirilib. İlk oyunda “Murov” MOİK-lə görüşüb. “Murov” idman zalında baş tutan oyunda meydan sahibləri quru hesabla qələbə qazanıblar.
Günün ikinci duelində “Neftçi” “Azərreyl”lə üz-üzə gəlib. Gənclər və İdman Nazirliyinin Voleybol Mərkəzində baş tutan bu görüş daha gərgin keçib. Yekunda “Neftçi” çətin qələbəyə sevinib.
Tura sabah keçiriləcək “Gənclər” – “Xilasedici” matçı ilə yekun vurulacaq. Sumqayıt Olimpiya İdman Kompleksində baş tutacaq oyuna saat 16:00-da start veriləcək.
Yüksək Liqa
1-ci tur
4 dekabr
“Murov” – MOİK 3:0 (25:16, 25:14, 25:12)
“Neftçi” – “Azərreyl” 3:2 (22:25, 25:22, 19:25, 25:20, 15:13)
