Azərbaycan Kubokunun 1/8 final mərhələsinin “Sumqayıt” – MOİK matçından (3:1) sonra qonaqların baş məşqçisi Qəzənfər Abbasov apasport.az saytına müsahibə verib.
- Ölkə kubokunda mübarizəni dayandırdız. Lakin Premyer Liqa təmsilçisinə qarşı inamlı mübarizə apardız. Qələbə üçün nə çatmadı?
- Oyuna yaxşı hazırlaşmışdıq. Meydanda əla mübarizə getdi. Matçdan dərhal sonra komandamı təbrik etdim. Futbolçularım möhtəşəm mübarizə apardılar. Sadəcə əlavə vaxtda təcrübə çatmadı. Bu cür oyunlarda qalib güclə bəlli olmur. Həm də səbr lazımdır. Ümumilikdə komandamın çıxışından razı qaldım.
- Rəqib barədə nə deyə bilərsiz?
- “Sumqayıt” hal-hazırda yaxşı durumdadır. Vaqif Cavadovun gəlişi ilə komanda inkişafa doğru yol alıb. Hər ötən oyun yaxşı doğru dəyişikliklər baş verir. Rəqibimizi qələbə münasibətilə təbrik edir, onlara uğurlar arzulayıram.
- I Liqada 7-ci pillədə qərarlaşmısız. Çempionatda işləriniz yaxşı getmir?
- Liqada durumumuz yaxşı deyil. Çünki bildiyiniz kimi, komandanın meydanı Binə qəsəbə stadionudur. Həm məşqlərimizi, həm də ev oyunlarımızı orda keçiririk. Stadionun təmirə bağlanması bizə mənfi təsir etdi. Belə olan halda, keçirdiyimiz 8 matça da başqa klubların meydanlarında çıxmışıq. Görmüşük ki, komandanın məşq və oyun meydançası eyni olar. Bizdə isə bu yoxdur. Səbrsizliklə Binə qəsəbə stadionunun hazır olmasını gözləyirik.
- Hazırda məşqləri harda keçirirsiz?
- Hazırda Sumqayıtda məşq edirik.
- Növbəti turda “Qaradağ Lökbatan”la qarşılaşacaqsız. Rəqibi necə dəyərləndirirsiz?
- “Qaradağ Lökbatan”da baş məşqçi dəyişikliyi olduqdan sonra komandanın durumu düzəlib. Yaxşı doğru inkişafdadırlar. Sonadək mübarizə aparan kollektivləri var. Lakin biz də bu görüşə qələbə üçün çıxacağıq. Çünki turnir cədvəlində qərarlaşdığımız yer bizə layiq deyil. Daha yaxşı yerlərdə qərarlaşmalıyıq. Bunun üçün də hər matçda qələbə qazanmaq lazımdır.
İsmayıl Xeyrullayev
“Səbail” Azərbaycan Kubokunda 50-ci qolunu vurub
Yüksək Liqa: I tura yekun vurulacaq
Rəşad Sadıqov: "Şamaxı" xarakterli komandadır"
Murad Məmmədov: "Emin Mahmudov və Rəhman Hacıyevin oyunlarına baxa-baxa böyümüşəm" - MÜSAHİBƏ
Ayxan Abbasov: "Komandanın potensialı ümid verir"
