50 gündən artıqdır ki, Qəzza zolağının şimalına ərzaq demək olar ki, çatdırılmayıb. AFN.az xarici mediaya istinadən xəbər verir ki, bunu BMT-nin Ümumdünya Ərzaq Proqramının (WFP) Fələstin ərazilərindəki direktoru Antuan Renard deyib. Onun sözlərinə görə, Qəzzada müşahidə olunan dağıntı və aclıq səviyyəsi əvvəlkindən daha pisdir.“İnsanlar artıq vəziyyətin öhdəsindən gələ bilmirlər. Ərzaq demək olar ki, gəlmir, bazarlar boşdur. Noyabr ayında təxminən 815,000 insan WFP-dən ərzaq yardımı aldı ki, bu da ehtiyacı olanların ancaq yarısıdır”, - deyə Antuan Renard təşkilatın X səhifəsində yayımlanan videoda bildirib.Onun hesablamalarına görə, Fələstində 2,2 milyona yaxın insan kəskin qida çatışmazlığı ilə üzləşir.
