Dünən Beyləqan rayonu Aşqallar kəndi ərazisində iki avtomobil toqquşub.
Milli.Az xəbər verir ki, Həziyev Emin Bəxtiyar oğlu idarə etdiyi “VAZ 21214 Urban” markalı avtomobillə Qafarov Elmidar Sahib oğlunun etibarnamə ilə idarə etdiyi “Qaz 330210” markalı avtomobil toqquşub.
Qəza nəticəsində sonuncu avtomobilin sürücüsü Qafarov Elmidar Sahib oğlu xəsarət alıb. Digər sürücü Emin Həziyev hadisə yerində və həmin avtomobildə olan sərnişin Həziyev Rəvan Emin oğlu aldığı xəsarətlərdən Beyləqan rayon Mərkəzi Xəstəxanasında dünyasını dəyişib.
Faktla bağlı Beyləqan RPŞ-nin İstintaq bölməsində CM-nin 263.3-cü maddəsi ilə cinayət işi başlanmaqla istintaq aparılır.
