"Qarabağ"ın müdafiəçisi Bəhlul Mustafazadə Premyer Liqanın 16-cı turunda "Sabah"la bərabərə bitən (1:1)qarşılaşmadan sonra Sportinfo.az-a açıqlama verib.
Təcrübəli oyunçu ilk olaraq xal itirdikləri görüşü şərh edib:
"İki komanda da qalib gələ bilərdi. Hər iki tərəfin də 100%-lik qol imkanları oldu.
Hansı bunu dəyərləndirə bilsəydi o da qalib gələcəkdi. Düşünürəm ki, ədalətli nəticə heç-heçə idi".
İki fərqli hissə izlədik. İkinci yarı daha gərgin və bol qol epizodları ilə yadda qaldı.
"Köhlən atlar" son 15 dəqiqəni yüksək tempdə keçirdi. Mustafazadə "90 dəqiqə belə oynamağa nə mane oldu" sualına belə cavab verib:
"Xüsusilə ilk hissədə rəqib fiziki baxımdan güclü idi. Daha yaxşı müdafiə olunur və bizə də az şans verirdilər.
İkinci yarıda sadəcə yorğunluq fonunda hər iki komanda da real qol imkanları yaxalaya bildi".
XANOĞLAN
