Futzal üzrə Azərbaycan Kubokunda 2024/2025-ci illər mövsümünün ilkin mərhələsinin oyunları dekabrın 26-da keçiriləcək.
Arena.az xəbər verir ki, bu barədə Azərbaycan Futzal Federasiyasının rəsmi saytı məlumat yayıb.
Xəbərdə bildirilir ki, bu mərhələdə Birinci Liqanın hazırkı turnir cədvəlinin son 4 pilləsində yer alan komandalar qarşılaşacaqlar.
Qaliblər 1/8 final mərhələsinə yüksələcək. Bu və sonrakı mərhələlərin oyun təqvimi püşk vasitəsilə müəyyənləşəcək. Püşkatma ilə bağlı əlavə məlumat veriləcək.
İlkin mərhələnin hər iki görüşü “Olimpik Star”da baş tutacaq.
Azərbaycan Kuboku
İlkin mərhələ
26 dekabr
20:00. Ulduz – Dəstə Ordubad
21:00. Çarşı Bakı – Delta
