O gün bizim politoloqlardan biri deyir ki, Dağlıq Qarabağdan Ermənistana 110 min erməni köçüb.
Tamamilə boş sözlərdi. Dağlıq Qarabağda heç vaxt 110 min erməni yaşamayıb.
Əslində bu ərazidə 120 min əhali yaşayırdı ki, onun 80 mini erməni idi, 40 mini də azərbaycanlı. Hələ o 80 min də saxtaydı, çünki ermənilərin sayını artırmaq üçün elə qurmuşdular ki, həm Bakıda, həm də İrəvanda qeydiyyatda olan erməniləri Xankəndində və ətrafdakı erməni kəndlərində də qeydiyyata salırdılar.
Hətta Dağlıq Qarabağdan Bakıya, Gəncəyə oxumağa gedən azərbaycanlı gəncləri geri qayıdanda öz doğma yurd-yuvalarına qeydiyyata salmırdılar.
Məsələn, mənim bir tələbə yoldaşım rəhmətlik Rauf Kazımov təyinatla Şuşaya göndərilsə də,10 ildən çox həkim, baş həkim işləsə də Şuşa qeydiyyatına düşə bilmədi.
